اچھے دن ابھی آنے والے ہیں، شبلی فراز

وفاقی وزیر شبلی فراز نے کہا ہے کہ لوگ ہماری حکومت کی مشکلات سمجھتے ہیں، عمران خان کی قیادت پر سب کو اعتماد ہے۔ ہمارے اچھے دن ابھی آنے والے ہیں۔

جیو نیوز کے پروگرام آج شاہزیب خانزادہ کے ساتھ میں گفتگو کرتے ہوئے انہوں نے کہا کہ ہم نے اشارہ دے دیا ہے، لوگ اب اندازہ کرلیں کہ ملاقات کرنے والے ن لیگ کے چار رہنما کون ہیں۔

دوسری جانب سابق وزیراعظم شاہد خاقان عباسی نے فواد چوہدری کو 4 لیگی رہنماؤں پر ن لیگی قائد نواز شریف کے خلاف بغاوت کے الزام لگانے پر چیلنج دیا ہے۔

انہوں نے کہا کہ فواد چوہدری اُن 4 لیگی رہنماؤں کے نام سامنے لائیں، چیلنج دیتا ہوں کہ وہ بتائیں کس سے ملاقات ہوئی اور کس نے ملاقات کی۔

بشکریہ جنگ