اپوزیشن ایٹمی اثاثوں کے حوالے سے اپنے ذہن سے وسوسہ نکال دیں، شاہ محمود قریشی

وزیر خارجہ شاہ محمود قریشی کا کہنا ہے کہ اپوزیشن ایٹمی اثاثوں کے حوالے سے  اپنے ذہن سے وسوسہ نکال دے، اس وقت پاکستان مالی مشکلات سے دو چار ہے۔

قومی اسمبلی میں خطاب کے دوران شاہ محمود قریشی  نے کہا کہ پاکستان کی مالی مشکلات کے پیچھے کون سے عوامل ہیں، ان عوامل کو دیکھنے اور سنجیدہ بات کرنے کی ضرورت ہے۔

وزیر خارجہ شاہ محمود قریشی کا کہنا ہے کہ آج دنیا میں بیانیہ کی جنگ جاری ہے، قومی سلامتی معیشت کے ساتھ وابستہ ہے

شاہ محمود قریشی نے کہا کہ پاکستان کی معاشی خود مختاری کا تحفظ ہماری ذمہ داری ہے۔

قومی اسمبلی میں  وزیر خارجہ شاہ محمود کی تقریر کے دوران اپوزیشن نے کورم کی نشاندہی کی، تاہم  گنتی کرنے پر کورم پورا نکلا۔

بشکریہ جنگ