اٹارنی جنرل پاکستان شہزاد عطاء الہٰی مستعفی

اٹارنی جنرل پاکستان بیرسٹر شہزاد عطاء الہٰی نے استعفیٰ دے دیا۔

ذرائع کے مطابق شہزاد عطاء الہٰی نے اٹارنی جنرل پاکستان کے عہدے سے ذاتی وجوہات کی وجہ سے استعفیٰ دیا ہے۔

ذرائع کا یہ بھی کہنا ہےکہ شہزاد عطاء الہٰی کو 2 فروری کو اٹارنی جنرل پاکستان مقرر کیا گیا تھا۔

نوٹیفکیشن کے مطابق اٹارنی جنرل کا اسٹیٹس اور رینک وفاقی وزیر کے برابر ہوگا۔

بیرسٹر شہزاد عطاء الہٰی کو منصور عثمان اعوان کے عہدہ نہ سنبھالنے کے باعث اٹارنی جنرل تعینات کیا گیا تھا۔

صدرِ مملکت ڈاکٹر عارف علوی نے آئین کے آرٹیکل 100(1) اور رولز آف بزنس کے تحت انہیں اس عہدے پر مقرر کیا تھا۔

واضح رہے کہ اٹارنی جنرل پاکستان کا عہدہ وفاقی وزیر کے درجے کا ہے۔

بشکریہ جنگ