آپ گھر بیٹھے پیسہ کما سکتے ہیں، فرخ حبیب

وزیر مملکت اطلاعات و نشریات فرخ حبیب نے کہا ہے کہ آپ گھر بیٹھے پیسہ کما سکتے ہیں اور ملک کیلئے زرمبادلہ کماسکتے ہیں۔

ایک بیان میں انہوں نے کہا کہ ہمارا آئی ٹی میں 100 سرٹیفکیشن کا پروگرام چل رہا ہے، آج کی یوتھ پاکستان کو قرضوں سے نجات دلائے گی۔

وزیر مملکت اطلاعات و نشریات فرخ حبیب نے کہا ہے کہ مہنگائی سب سےزیادہ سندھ میں ہے جبکہ سندھ میں پانی کا مسئلہ بھی سب سے زیادہ ہے کیونکہ بلاول کے مافیاز پانی روک لیتے ہیں۔

ان کا کہنا تھا کہ کنسٹرکشن صنعت پر خاص طور پر کام کیا ہے، کنسٹرکشن سیکٹر میں ایک ہزار ارب روپے کی منظوری ہوچکی ہے۔

فرخ حبیب کا یہ بھی کہنا تھا کہ آپ تعمیری صنعت سے جڑے دیگر شعبوں میں کاروبار کرسکتے ہیں، نیا کاروبار ہوگا، نئی سرمایہ کاری ہوگی تو ٹیکس بھی بڑھے گا۔

بشکریہ جنگ