آصف علی کی تعریف میں پاک افغان کپتانوں نے کیا کہا؟

پاکستان اور افغانستان کے میچ میں شاندار چھکے لگانے والے آصف علی کی دونوں ہی ٹیموں کے کپتانوں نے خوب تعریف کی۔

ٹی20 ورلڈ کپ میں گروپ 2 کے اہم میچ میں پاکستان کو 19ویں اوور میں 4 چھکے لگا کر فتح سے ہمکنار کرنے والے آصف علی کی بابراعظم اور محمد نبی نے شاندار الفاظ میں تعریف کی۔

افغان ٹیم کے کپتان محمد نبی نے کہا کہ ہمارے پاس تین اسپنرز کافی تھے، راشد خان نے اچھی بولنگ کی، آصف علی شاندار بیٹنگ کرکے پاکستان کو میچ جتوایا۔

دوسری طرف بابراعظم نے کہا کہ آصف علی اسی بیٹنگ اسٹائل کے سبب جانے جاتے ہیں، وہ میچ فنشر ہے، پی ایس ایل میں بھی پرفارم کرتا رہا ہے۔

انہوں نے مزید کہا کہ بولنگ میں جیسے پلان کیا تھا، ویسے ہی کی، بولرز کو جیت کا کریڈٹ جاتا ہے، جنہوں نے اچھی گیند بازی کی۔

بابراعظم نے یہ بھی کہا کہ افغانستان کے پاس کوالٹی اسپنرز ہیں، بیٹنگ میں بھی چھوٹی چھوٹی پارٹنرشپ سے جیت ملی۔

بشکریہ جنگ