آصف زرداری کی لاہور تقریب میں اداروں کے خلاف نعروں کی مذمت

سابق صدر اور پیپلز پارٹی کے شریک چیئرمین آصف علی زرداری نے گزشتہ روز لاہور کی تقریب میں اداروں کے خلاف نعروں کی مذمت کی ہے۔

ایک بیان میں آصف علی زرداری نے کہا کہ کسی بھی پلیٹ فارم کو اداروں کے خلاف استعمال نہیں ہونا چاہیے، پاکستان کی بقاء ہمارے اداروں سے ہی ہے۔

انہوں نے کہا کہ افسوس ہے ایک شخص نے اس ملک کو گالیاں اور نفرت کے علاوہ کچھ نہیں دیا ہے۔

سابق صدر نے مزید کہا کہ اس کی ہر تقریر سیاست کی بجائے نفرت سے بھری ہوتی ہے، اس شخص کے تانے بانے جہاں ملتے ہیں ہمیں سب معلوم ہے۔

ان کا یہ بھی کہنا تھا کہ ہمارے جوان اور افسران جانوں کا نذرانہ اسی وردی میں دے رہے ہیں، ان کے خلاف نعرے قابل مذمت ہیں۔

بشکریہ جنگ