آصف زرداری کا دبئی سے آئی ڈاکٹروں کی ٹیم نے معائنہ کیا

سابق صدر آصف علی زرداری کا دبئی سے آنے والے ڈاکٹروں کی ٹیم نے معائنہ کیا ہے۔

آصف علی زرداری کراچی کے نجی اسپتال میں زیر علاج ہیں، دبئی سے آنے والے ڈاکٹروں کی ٹیم ماہرین امراض سینہ پر مشتمل ہے۔

غیر ملکی ڈاکٹروں کی رائے ہے کہ آصف زرداری کی تشخیص اور علاج درست سمت میں کیا جا رہا ہے، فی الحال انہیں بیرون ملک علاج کی ضرورت نہیں ہے۔

ذرائع کے مطابق دبئی سے آنے والے ڈاکٹرز کے معائنے کے موقع پر آصفہ بھٹو زرداری بھی موجود تھیں، غیر ملکی ڈاکٹروں نے سابق صدر کے آج بھی کچھ ٹیسٹ کیے ہیں۔

بشکریہ جنگ