آسمانوں پر اڑان بھرنے والی جدید فلائنگ مشین

زیوا ایرو نامی کمپنی نے اڑنے والی ایک نئی فلائنگ مشین بنا لی ہے جو ہیلی کاپٹر کی طرح ٹیک آف اور لینڈنگ کرتی ہے۔

اسکائی ڈوک نامی اس مشین کی آزمائش جاری ہے، اس میں فی الوقت صرف ایک شخص بیٹھ سکتا ہے اور یہ مشین دم پر کھڑی ہوتی ہے۔

کمپنی کا کہنا ہے کہ اسے کاربن فائبر سے بنایا گیا ہے، اس کی طشتری نما پلیٹ کا اصل قد 8 فٹ اور وزن 317 کلوگرام ہوگا، اس کے اندر ایک انسان کے کھڑے ہونے کی جگہ بنائی گئی ہے اور اوپر کی جانب شفاف شیشہ ہے جس سے باہر دیکھا جا سکتا ہے۔

زیوا ایرو نے امید ظاہر کی ہے کہ اس نئی فلائنگ مشین کو جلد ہی آسمانوں پر اڑان بھرنے کے لیے پیش کر دیا جائے گا۔

بشکریہ جنگ