آرمی چیف جنرل قمر جاوید باجوہ بھی PSL فائنل دیکھنے اسٹیڈیم پہنچے
آرمی چیف جنرل قمر جاوید باجوہ گزشتہ شب لاہور کے قذافی اسٹیدیم میں کھیلے گئے پاکستان سُپر لیگ کے فائنل کا مقابلہ دیکھنے پہنچے تھے۔
پی ایس ایل کا فائنل میچ دیکھنے کیلئے تماشائیوں کی بڑی تعداد اسٹیڈیم میں موجود تھی۔
ایسے میں آرمی چیف کی اچانک اسٹیڈیم آمد نے شائقین کو حیران کردیا۔
خیال رہے کہ پاکستان سپر لیگ فائنل سے قبل قذافی اسٹیڈیم میں قومی ترانہ پڑھا گیا، کھلاڑیوں کے ساتھ ہزاروں تماشائیوں نے کھڑے ہوکر ترانے میں حصہ لیا، جس کے بعد آتش بازی کا مظاہرہ کرکے فائنل شروع کرنے کا اعلان کیا گیا تھا۔
قذافی اسٹیڈیم تماشائیوں سے کھچا کھچ بھرا ہوا تھا اور تل دھرنے کی جگہ نہیں تھی، تماشائیوں نے جوش و خروش کے ساتھ میچ دیکھا۔
واضح رہے کہ قذافی اسٹیڈیم لاہور میں کھیلے گئے فائنل میں لاہور قلندرز نے ملتان سلطانز کو 42 رنز سے شکست دے کر پی ایس ایل کے چیمپئن کا تاج اپنے سر پر سجالیا۔
Comments are closed.