آج جعلی پروپیگنڈے کو بےنقاب کروں گا، حماد اظہر

پاکستان تحریک انصاف (پی ٹی آئی) کے رہنما حماد اظہر کا کہنا ہے کہ مفتاح اسماعیل اپنی ناکامی چھپانے کے لیے بہانے تلاش کررہے ہیں، آج ان کے جعلی پروپیگنڈے کو بےنقاب کروں گا۔

سماجی رابطے کی سائٹ ٹوئٹر پر اپنے بیان میں حماد اظہر نے کہا کہ معیشت ایسے غیر سنجیدہ اور ہلکے بیانات سے نہیں چلتی۔

انہوں نے مزید کہا کہ اگر معاملات نہیں سنبھل رہے تو اقتدار پر مسلط رہنے کی بجائے فوراً انتخابات کروائیں۔

خیال رہے کہ میڈیا سے گفتگو کے دوران وفاقی وزیرِ خزانہ مفتاح اسماعیل نے کہا کہ حکومت پیٹرول پر 30 روپے فی لیٹر نقصان برداشت کر رہی ہے۔

وفاقی وزیرِ خزانہ مفتاح اسماعیل کا کہنا ہے کہ حکومت پیٹرول پر 30 روپے فی لیٹر نقصان برداشت کر رہی ہے۔

انہوں نے کہا کہ ماضی کی حکومت نے ملک کے لیے مشکلات پیدا کی ہیں، عمران خان نے آئی ایم ایف سے پیٹرولیم مصنوعات کی قیمتوں میں اضافے کا معاہدہ کیا۔

بشکریہ جنگ