اوگرا نے ایل پی جی کا گھریلو سلنڈر 18 روپے 50 پیسے مہنگا کردیا

آئل اینڈ گیس ریگولیٹری اتھارٹی (اوگرا) نے لیکویفائیڈ پیٹرولیم گیس (ایل پی جی) کا گھریلو سلنڈر 18 روپے 52 پیسے مہنگا کردیا ہے۔

اوگرا نے ایل پی جی کی نئی قیمتوں کا نوٹیفکیشن اسلام آباد سے جاری کیا، جس میں فی کلو قیمت 256 روپے 42 پیسے مقرر کی گئی ہے۔

نوٹیفکیشن کے مطابق ایل پی جی کی فی کلو قیمت میں 1 روپے 57 پیسے فی کلو کا اضافہ کیا گیا۔

نوٹیفکیشن میں11 اعشاریہ 8 کلو کے ایل پی جی کے گھریلو سلنڈر کی قیمت 3 ہزار 25 روپے 87 پیسے مقرر کی گئی ہے۔

بشکریہ جنگ