اولمپکس میں اچھی کارکردگی، طلحہ طالب کے گھر جش کا سماں

گوجرانوالہ سے تعلق رکھنے والے ویٹ لیفٹر طلحہ طالب کی اولمپکس میں شاندار پرفارمنس کے بعد انہیں خوب سراہا جارہا ہے جبکہ ان کے گھر پر بھی جشن کا سماں ہے۔ 

جیو نیوز سے بات کرتے ہوئے طلحہ طالب کے والد کا کہنا تھا کہ وہ اپنے بیٹے کی کامیابی پر بہت خوشی ہیں، وہ ہمیشہ سے بہت محنتی رہا ہے۔

اپنے ویڈیو بیان میں قوم کے دل جیتنے والے ویٹ لفٹر کا کہنا تھا کہ میں پاکستانی عوام کا شکرگزار ہوں۔

والد کا کہنا تھا کہ دو کلو گرام کے فرق سے ان کا بیٹا میڈل نہ جیت سکا، آئندہ ضرور جیتے گا۔

ایتھلیٹ کے بھائی کا کہنا تھا کہ بھائی کی اولمپکس میں پرفارمنس پر بہت خوشی ہے، ان کا استقبال شاندار انداز میں کروں گا۔

بشکریہ جنگ