انگلینڈ کے ٹیسٹ کپتان بین اسٹوکس کا انکشاف

انگلینڈ کی ٹیسٹ کرکٹ ٹیم کے کپتان بین اسٹوکس نے بے چینی کی ادویات استعمال کرنے کا انکشاف کیا ہے۔

بین اسٹوکس کا کہنا ہے کہ میں 6 ماہ کے بریک سے واپسی کے بعد اب بھی صحت کی بحالی کے لیے بے چینی کی ادویات استعمال کر رہا ہوں۔

انہوں نے کہا کہ میں نے کبھی نہیں سوچا تھا کہ مسائل کا سامنا کرنے کے لیے مجھے ادویات کا استعمال کرنا پڑے گا، مجھے یہ سب بتانے میں شرمندگی نہیں ہو رہی کیوں کہ مجھے اس کی ضرورت ہے۔

بین اسٹوکس نے کہا کہ میں اب بھی ڈاکٹر سے اس حوالے سے بات چیت کرتا ہوں، میں کھیل کی وجہ سے والد کے ساتھ وقت نہ گزار سکا، مجھے اپنے کھیل کے مطابق چلنا پڑا۔

ٹاس کے موقع پر جب بین اسٹوکس سے ان کھلاڑیوں کے بارے میں پوچا گیا تو وہ بمشکل ہی پورے نام بتاپائے اور ناموں کو یاد کرنے کی کوشش کرتے ہوئے مسکراتے رہے۔

ان کا مزید کہنا ہے کہ میں نے جب بریک لیا تو اس حوالے سے میں نے بہت سوچا تھا، میں جانتا ہوں کہ لوگ دماغی صحت کے حوالے سے بات کرنے کو بہتر نہیں سمجھتے اور اس حوالے سے میرے ساتھ تفصیلات میں نہیں جانا چاہتے۔

انگلش کپتان کا یہ بھی کہنا ہے کہ کچھ بات نہ کرنا آپ کی کمزوری ثابت کرتا ہے لیکن میں جتنا ممکن ہو سکے خوشی سے بات کر سکتا ہوں۔

میڈیا رپورٹس کے مطابق بین اسٹوکس نےجمعے کو ریلیز ہونے والی ڈاکومنٹری میںادویات کے استعمال کا انکشاف کیا تھا۔

واضح رہے کہ بین اسٹوکس نے والد کی وفات کے بعدذہنی صحت پر دھیان دینے کے لیےکرکٹ سے 6 ماہ کی بریک لیا تھا۔ 

بشکریہ جنگ