انگلینڈ کیخلاف میچ میں گلین میکسویل کے وکٹ کیپنگ کرنے کا امکان

آئی سی سی ٹی ٹوئنٹی ورلڈ کپ میں انگلینڈ کے خلاف اہم میچ میں آسٹریلوی آل راؤنڈر گلین میکسویل کے وکٹ کیپنگ کرنے کا امکان ہے۔

غیر ملکی میڈیا رپورٹس کے مطابق کورونا کا شکار میتھیو ویڈ سلیکشن کے لیے دستیاب نہ ہوئے تو گلین میکسویل وکٹ کیپنگ کریں گے۔

انگلینڈ کے خلاف میچ سے قبل گلین میکسویل نے ٹریننگ سیشن میں کیپنگ کی پریکٹس بھی کی۔

 میڈیا رپورٹ کے مطابق میتھیو ویڈ کو وائرس کی علامات معمولی ہیں، مینجمنٹ ان کے اہم میچ کھیلنے کے لیے پرامید ہے۔ 

گلین میکسویل نے 2014 میں پاکستان کے خلاف ٹیسٹ میچ میں وکٹ کیپنگ کی تھی۔

ٹی ٹوئنٹی ورلڈ کپ گروپ ون میں آج آسٹریلیا اور انگلینڈ کے درمیان میچ میلبرن میں شیڈول ہے۔

بشکریہ جنگ