انگلینڈ نے پاکستان میں 2 اضافی T20 کھیلنے کی حامی بھرلی، پی سی بی

انگلینڈ اینڈ ویلز کرکٹ بورڈ (ای سی بی) نے آئندہ برس پاکستان کا دورہ کرنے اور 2 اضافی ٹی ٹوئنٹی میچز کھیلنے کی بھی حامی بھرلی۔ 

ای سی بی حکام نے قذافی اسٹیڈیم لاہور میں چیئرمین پاکستان کرکٹ بورڈ (پی سی بی) رمیز راجہ سے ملاقات کی۔ 

اس ملاقات سے متعلق پی سی بی نے بتایا کہ انگلینڈ نے اگلے سال 2 اضافی ٹی ٹوئنٹی میچز کھیلنے کی حامی بھرلی ہے۔ 

انگلینڈ کرکٹ بورڈ کے چیف ایگزیکٹو ٹام ہیری سن لاہور پہنچ گئے، وہ آج دوپہر چیئرمین پی سی بی رمیز راجہ سے ملاقات کریں گے۔

آئندہ ٹی ٹوئنٹی ورلڈکپ سے قبل پاکستان اور انگلینڈ کی ٹیمیں 7 ٹی ٹوئنٹی میچز کھیلیں گی۔

علاوہ ازیں آئندہ برس بھارت میں شیڈول ٹی ٹوئنٹی ورلڈکپ کے بعد انگلینڈ کی ٹیم 3 ٹیسٹ میچز کھیلنے پاکستان آئے گی۔

ملاقات کے دوران چیف ایگزیکٹو ای سی بی کا کہنا تھا کہ پاکستان کرکٹ بورڈ سے شاندار تعلقات چاہتے ہیں۔

رواں ورلڈکپ میں ہر میچ کانیا ہیرو، ہر میچ کا نیا بہترین کھلاڑی، ٹی ٹوئنٹی ورلڈ کپ میں پاکستان کا وننگ کامبی نیشن دھماکا خيز ثابت ہوا۔

میڈیا سے گفتگو کرتے ہوئے چیئرمین پی سی بی رمیز راجا کا کہنا تھا کہ انگلینڈ کا دو اضافی ٹی ٹوئنٹی میچز کھیلنا خوش آئند ہے، شائقین کرکٹ کے لیے بہترین خبر ہے۔

ان کا کہنا تھا کہ ہمیں اور انگلینڈ کرکٹ بورڈ کو اکٹھے ہوکر چلنا ہے، تمام بورڈز کے لیے ضروری ہے کہ ایک دوسرے کو سمجھ کر چلیں۔

انہوں نے کہا کہ ای سی بی کو شاید اندازہ ہوا ہے کہ دورہ منسوخ کرکے اس نے ناانصافی کی، ای سی بی نے یہاں آکر معاملات کو بہتر کیا جو بڑے پن کا مظاہرہ ہے۔ 

آسٹریلوی ٹیسٹ کپتان ٹم پین کا دورۂ پاکستان سے متعلق کہنا ہے کہ کچھ کھلاڑیوں میں پاکستان میں کھیلنےسے متعلق بے چینی پائی جاتی ہے، بعض کھلاڑی دورے پر ایکسپرٹس کی رائے پر مطمئن ہوجائیں گے،بعض کچھ زیادہ جاننا چاہیں گے ۔

رمیز راجہ کا کہنا تھا کہ نیوزی لینڈ کی ٹیم بھی اپنے فیصلے پر ازسرنو غور کر رہی ہے۔

چیئرمین پی سی بی نے کہا کہ میں چاہتا ہوں کہ دنیا میں پاکستان کرکٹ کی عزت ہو۔

انہوں نے آسٹریلیا کے دورہ پاکستان سے متعلق کہا کہ آسٹریلیا کا دورہ بہت اہم ہے، یہ 24 سال میں پہلی بار پاکستان آرہے ہیں۔

یہ پہلا موقع نہیں ہوگا جب پاکستان اور آسٹریلیا کسی عالمی کپ میں کوارٹر فائنل، سیمی فائنل یا فائنل میں مدِ مقابل آئیں گے۔

ان کا کہنا تھا کہ انڈر 19 کا پی ایس ایل بھی شروع کرنے جارہے ہیں، جس میں انگلینڈ پلیئرز بھیجے گا۔

چیئرمین پی سی بی نے یہ بھی بتایا کہ خواتین کرکٹ کی بھی پاکستان سپر لیگ کروائیں گے۔

بشکریہ جنگ