انگلینڈ نے سری لنکا کو ہرا دیا، آسٹریلیا T20 ورلڈ کپ سے باہر

ٹی ٹوئنٹی ورلڈ کپ سپر 12 مرحلے کے اہم میچ میں انگلینڈ نے سری لنکا کو 4 وکٹ سے ہرا کر سیمی فائنل کے لیے کوالیفائی کرلیا۔

انگلینڈ کی جیت کے بعد اب دفاعی چیمپئن آسٹریلیا سیمی فائنل اور ورلڈ کپ سے باہر ہوگئی ہے۔

یوں اب گروپ ون سے سیمی فائنل میں پہنچنے والی دونوں ٹیمیں فائنل ہوگئی ہیں۔

گزشتہ روز نیوزی لینڈ نے اسی گروپ سے سیمی فائنل کے لیے کوالیفائی کیا تھا۔

سڈنی میں کھیلے گئے میچ میں سری لنکا نے انگلینڈ کو جیت کے لیے 142 رنز کا ہدف دیا تھا جو انگلش ٹیم نے آخری اوور میں حاصل کیا۔

اس سے قبل پہلے بیٹنگ کرتے ہوئے سری لنکا نے مقررہ اوورز میں 8 وکٹ پر 141 رنز بنائے، پتھم نیسانکا 67 رنز بنا کر ٹاپ اسکورر رہے۔

میچ میں انگلینڈ کے فاسٹ بولر مارک ووڈ نے 3 کھلاڑیوں کو آؤٹ کیا۔

بشکریہ جنگ