انگلش کرکٹ بورڈ کی سیکیورٹی ٹیم کا پنڈی اسٹیڈیم کا دورہ

انگلینڈ کرکٹ ٹیم کے دورۂ پاکستان کے حوالے سے انگلش کرکٹ بورڈ کے وفد نے پنڈی اسٹیڈیم کا دورہ کیا ہے۔

ذرائع کے مطابق وفد نے ٹوئنٹی اور ٹیسٹ سیریز کے سیکیورٹی کے انتظامات کا جائزہ لیا۔

ای سی بی کی سیکیورٹی کے وفد نے پاکستانی حکام سے سیکیورٹی امور پر مشاورت بھی کی۔

ذرائع کا کہنا ہے کہ وفد نے وزارتِ داخلہ میں بھی پاکستانی حکام سے ملاقات کی، انگلش کرکٹ بورڈ کا وفد کراچی، لاہور اور ملتان کا بھی دورہ کرے گا۔

پاکستان اور انگلینڈ کے درمیان پاکستان میں ہونے والی ٹی ٹوئنٹی سیریز کے شیڈول کے لیے دونوں بورڈز میں بات چیت جاری ہے

اس حوالے سے ذرائع نے بتایا ہے کہ انگلش ٹیم کی پاکستان آمد 15 ستمبر کو تجویز کی گئی ہے۔

واضح رہے کہ انگلش ٹیم رواں سال 7 ٹی ٹوئنٹی میچز اور بعد میں 3 ٹیسٹ میچز کے لیےپاکستان آئے گی۔

بشکریہ جنگ