انڈر 19 ورلڈ کپ کیلئے قومی ٹیم کا اعلان، سعد بیگ کپتان مقرر

پاکستان کرکٹ بورڈ (پی سی بی) نے انڈر 19 ورلڈ کپ کےلیے قومی ٹیم کا اعلان کردیا۔

پی سی بی اعلامیے کے مطابق سعد بیگ ورلڈ کپ میں قومی انڈر 19 ٹیم کی قیادت کریں گے۔

15 رکنی اسکواڈ میں علی اسفند، علی رضا، احمد حسن، عامر حسن، عرفات منہاس، اذان اویس، ہارون ارشد، خبیب خلیل، ریاض اللّٰہ، محمد ذیشان، نوید احمد، شاہزیب خان، شامل حسین اور عبید شاہ  شامل ہیں۔

انڈر 19 ورلڈ کپ 19 جنوری سے 11 فروری تک جنوبی افریقا میں ہوگا، جس کے لیے کیمپ 28 دسمبر سے 6 جنوری تک لاہور میں لگے گا۔

بشکریہ جنگ