انٹر بینک: ڈالر 294 روپے 50 پیسے کا ہو گیا

امریکی ڈالر کی قدر مسلسل نیچے کی جانب گامزن ہے، آج بھی کاروبار کے آغاز میں ہی انٹر بینک میں ڈالر مزید سستا ہوا ہے۔

انٹر بینک میں ڈالر 1 روپے 45 پیسے سستا ہونے کے بعد 294 روپے 50 پیسے کا ہو گیا۔

انٹر بینک میں گزشتہ روز ڈالر 295 روپے 95 پیسے پر بند ہوا تھا۔

حکومت کے اقدامات کی وجہ سے گزشتہ ہفتے امریکی ڈالر کا سفر نیچے کی جانب گامزن رہا ہے۔

پاکستان اسٹاک ایکسچینج میں کاروبار کا آج مثبت رجحان دیکھنے میں آ رہا ہے۔

پاکستان اسٹاک ایکسچینج کا 100 انڈیکس 123 پوائنٹس کے اضافے سے 45 ہزار 926 پر آ گیا۔

گزشتہ روز 100 انڈیکس 45 ہزار 803 پوائنٹس پر بند ہوا تھا۔

بشکریہ جنگ