انٹر بینک میں ڈالر 266 روپے کا ہو گیا

امریکی ڈالر تسلسل کے ساتھ نیچے آ رہا ہے جبکہ اس کے مقابلے میں پاکستانی روپے کی قدر میں اضافہ ہوا ہے۔

آج صبح کاروبار کے آغاز میں ہی ڈالر مزید سستا ہوا ہے۔

انٹر بینک میں ڈالر 1 روپے 34 پیسے سستا ہونے کے بعد 266 روپے کا ہو گیا ہے۔

امریکی ڈالر مزید سستا ہونے کی جانب گامزن ہے جس کے باعث پاکستانی روپے کی قدر میں مسلسل اضافہ ہو رہا ہے۔

ادھر پاکستان اسٹاک ایکسچینج میں آج صبح کاروبار کا منفی آغاز ہوا جو بعد میں مثبت رجحان میں تبدیل ہو گیا۔

پاکستان اسٹاک ایکسچینج کا 100 انڈیکس 76 پوائنٹس کے اضافے کے بعد 41 ہزار 226 پر آ گیا ہے۔

گزشتہ روز 100 انڈیکس 41 ہزار 150 پوائنٹس پر بند ہوا تھا۔

بشکریہ جنگ