انٹراپارٹی الیکشنز: فیصلے کا اعلان رات 12 بجے سے پہلے کردیا جائے گا، الیکشن کمیشن

الیکشن کمیشن آف پاکستان کا کہنا ہے کہ پاکستان تحریک انصاف (پی ٹی آئی) انٹراپارٹی الیکشنز کے معاملے پر فیصلے کا اعلان آج رات 12 بجے سے پہلے کردیا جائے گا۔

پی ٹی آئی کا وفد لیول پلیئنگ فیلڈ کے مطالبات لے کر الیکشن کمیشن دفتر پہنچا تھا، جہاں الیکشن کمیشن نے وفد کو یقین دہانی کروادی۔

الیکشن کمیشن حکام سے ملاقات کے بعد میڈیا سے گفتگو میں پی ٹی آئی وفد نے کہا کہ چیف الیکشن کمشنر اور کمیشن کے ارکان نے ان کے تحفظات نوٹ کیے اور  یقین دلایا کہ جن ریٹرننگ افسروں اور پولیس افسروں نے پی ٹی آئی کے لیے مسائل پیدا کرنے کی کوشش کی ہے، انہیں جلد تبدیل کردیا جائے گا۔

پی ٹی آئی وفد کے ارکان نے امید ظاہر کی کہ صاف شفاف الیکشن کے لیے الیکشن کمیشن پاکستان اپنا کردار ادا کرے گا۔

بشکریہ جنگ