انعام بٹ پاکستان کیلئے ریسلنگ میں ایک اور میڈل لانے کیلئے پُرامید

پاکستان کے نامور پہلوان انعام بٹ ورلڈ بیچ ریسلنگ میں پاکستان کے لیے ایک اور میڈل لانے کے لیے پُرامید ہیں۔ 

ورلڈ بیچ ریسلنگ ورلڈ سیریز کے لیے پاکستانی پہلوانوں کو یونان کے ویزے جاری کردیے گئے ہیں۔ 

اس حوالے سے انعام بٹ کا کہنا ہے کہ پاکستانی سفارتخانے، وزارت خارجہ اور پاکستان اسپورٹس بورڈ (پی ایس بی) کے تعاون سے کھلاڑیوں کی سفری دستاویزات مکمل ہوئیں۔

انعام بٹ کے والد کا کہنا ہے کہ میرے بیٹے نے چوتھی بار گولڈ میڈل حاصل کیا ہے۔

پنجاب کے وزیرِ اعلیٰ عثمان بزدار نے گولڈ میڈل جیتنے پر انعام بٹ کو مبارک باد دی ہے۔

پاکستانی پہلوان نے کہا کہ یونان میں 10 اور 11 ستمبر کو ریسلنگ ورلڈ سیریز کے مقابلے ہوں گے، جس میں ہم بھی حصہ لیں گے۔ 

انہوں نے قوم کے لیے ایک اور میڈل کی امید کا اظہار کرتے ہوئے کہا کہ پاکستان کے لیے ایک اور میڈل ملنے کی امید ہے، قوم سے اپیل ہے کہ ہمارے لیے دعا کریں۔ 

قومی چیمپیئن ریسلر کا کہنا تھا کہ بڑی امید ہے کہ کل یونان کے لیے سفر کریں گے۔

بشکریہ جنگ