انضمام الحق نے سیمی فائنل میں بھارت کی بدترین شکست کی وجہ بتادی

پاکستان کرکٹ ٹیم کے سابق کپتان اور ٹیسٹ کرکٹر انضمام الحق نے سیمی فائنل میں بھارت کی بدترین شکست کی وجہ بتادی۔

انضمام الحق نے ٹی20 ورلڈکپ کے دوسرے سیمی فائنل پر اپنے ردِعمل کا اظہار کرتے ہوئے کہا کہ بھارت دباؤ میں کھیلا ہے، میچ فکس والی بات نہیں ہونی چاہیئے کیونکہ انگلینڈ کی ٹیم کی کارکردگی بہت زبردست تھی۔

اُنہوں نے کہا کہ بھارت کو بڑے میچ میں آکر مشکل پیش آرہی تھی۔

اُنہوں نے مزید کہا کہ ہماری بولنگ بھارت سے بہت بہتر ہے، انگلش بیٹرز کے لیے پاکستانی بولنگ ، بھارت کی طرح آسان نہیں ہو گی۔

واضح رہے کہ گزشتہ روز ٹی ٹوئنٹی ورلڈ کپ کے دوسرے سیمی فائنل میں انگلینڈ نے بھارت کو 10 وکٹوں سے شکست دے کر فائنل کے لیے کوالیفائی کیا تھا۔

بشکریہ جنگ