انضمام الحق، مشتاق احمد افغانستان سے پاکستان کے میچ کیلئے فکر مند

قومی ٹیم کے سابق کپتان انضمام الحق اور ٹیسٹ کرکٹر مشتاق احمد کو پاکستان کے افغانستان سے میچ کی فکر لگ گئی۔

پاکستان کی نیوزی لینڈ کے خلاف 5 وکٹ سے فتح پر جیو نیوز کے پروگرام جشن کرکٹ میں انضمام الحق اور مشتاق احمد نے اظہار خیال کیا۔

انضمام الحق نے کہا کہ افغانستان کو ایونٹ میں کبھی بھی ہلکا نہیں لے سکتے ہیں، پاکستان کو اس کے ساتھ پوری تیاری کے ساتھ کھیلنا ہوگا۔

قومی کرکٹ ٹیم کے سابق کپتان اور مایہ ناز آل راونڈ شاہد آفریدی نے کہا ہے کہ شاباش ٹیم پاکستان ،اس طرح ہی نڈر کرکٹ کھیلتے رہیں۔

مشتاق احمد نے کہا کہ مجھے سب سے زیادہ فکر افغانستان کے خلاف میچ کی ہے، جس کے پاس اچھے اسپنر اور تجربہ کار بولرز ہیں۔

انہوں نے مزید کہا کہ ہر میچ میں پچھلے میچز کو بھلا کر کھیلنا پڑے گا، افغانستان کے کھلاڑی دنیا بھر میں کرکٹ کھیلتے ہیں، قومی ٹیم کو ان کے خلاف ہوم ورک کرکے میدان میں اترنا ہوگا۔

قومی کرکٹ ٹیم کے کپتان بابراعظم اور محمد رضوان کی اوپننگ جوڑی نے بطور پارٹنر منفرد اعزاز اپنے نام کرلیا ہے۔

انضمام الحق نے کہا کہ ہر میچ آسانی سے نہیں جیتا جاسکتا، نیوزی لینڈ کو کم رنز پر روکنا قومی ٹیم کی زبردست بولنگ کی نشانی ہے۔

انہوں نے کہا کہ آصف علی فنشر نہیں، میچ ختم کرنے کی ذمے داری شعیب ملک اور محمد حفیظ کی ہے۔

بشکریہ جنگ