انجرڈ فخر زمان کی جگہ محمد حارث اسکواڈ میں شامل

جنوبی افریقا کے خلاف ٹی ٹوئنٹی ورلڈ کپ کے اہم میچ سے قبل انجرڈ فخر زمان کی جگہ محمد حارث کو پاکستان کے اسکواڈ میں شامل کرلیا گیا ہے۔

پاکستان ٹیم مینجمنٹ نے آئی سی سی کی ٹیکنیکل کمیٹی سے ریزرو کھلاڑیوں کی فہرست میں شامل وکٹ کیپر بیٹسمین محمد حارث کو فخر زمان کے متبادل کھلاڑی کے طور پر اسکواڈ میں شامل کرنے کی درخواست کی تھی۔

آئی سی سی کی ٹیکنیکل کمیٹی نے محمدحارث کی شمولیت کی منظوری دے دی۔

آئی سی سی ٹی ٹوئنٹی ورلڈ کپ میں پاکستان کا اہم میچ آج جنوبی افریقا سے ہوگا، شکست کی صورت میں قومی ٹیم سیمی فائنل کی دوڑ سے باہر ہوجائے گی۔

بشکریہ جنگ