امریکی فوج کی کابل میں گھر پر بمباری کی مذمت کرتے ہیں، نائب افغان وزیراعظم

افغانستان میں طالبان حکومت کے نائب وزیر اعظم ملا عبدالسلام حنفی کا کہنا ہے کہ افغان حکومت امریکی فوج کی کابل میں گھر پر بمباری کی مذمت کرتی ہے۔

انہوں نے کہا کہ امریکی بمباری افغانستان کی خودمختاری اور دوحہ امن معاہدے کی خلاف ورزی ہے۔

امریکی میڈیا کا کہنا ہے کہ صدر جوبائیڈن کچھ دیر بعد ٹیلی وژن پرامریکی کارروائی سے آگاہ کریں گے۔

ان کا کہنا تھا کہ امریکی بمباری ناقابل برداشت اقدام ہے، افغان حکومت دوحہ امن معاہدے کی پابند ہے۔

ملا عبدالسلام حنفی نے مزید کہا کہ افغان سرزمین کو دوسروں کے خلاف استعمال کرنے کی ہرگز اجازت نہیں دی جائے گی۔

بشکریہ جنگ