امریکی سفیر ڈونلڈ بلوم کی مریم نواز سے مری میں ملاقات

پاکستان میں امریکی سفیر ڈونلڈ بلوم  نے مسلم لیگ (ن) کی سینئر نائب صدر  مریم نواز سے ملاقات کی ہے جس میں دونوں ممالک کے درمیان تاریخی اور طویل المدتی دوطرفہ تعلقات کی اہمیت پر تبادلہ خیال کیا گیا۔

امریکی سفیر ڈونلڈ بلوم کی مریم نواز سے ملاقات مری میں ہوئی۔ مریم نواز نے امریکی سفیر سے گفتگو کرتے ہوئے تجارت، معیشت، سلامتی، امن اور علاقائی استحکام سمیت باہمی تعاون کے فروغ کی اہمیت پر زور دیا۔

رہنما مسلم لیگ (ن) نے کورونا وبا اور گزشتہ سال کے تباہ کن سیلاب کے دوران امریکی حکومت کی طرف سے ڈونلڈ بلوم کی کوششوں کو بھی سراہا۔

بشکریہ جنگ