امریکا: ڈاکو نے 10 بار اینٹ ماری مگر شیشہ نہ ٹوٹا

امریکا میں ایک ڈکیتی کی واردات کو جیولری اسٹور کے شیشے نے نہ ٹوٹ کر ناکام بنا دیا اور ڈاکو کو خالی ہاتھ فرار ہونا پڑا۔

سوشل میڈیا پر شیئر کی گئی ویڈیو میں دیکھا جاسکتا ہے کہ ایک جیولری اسٹور میں ایک ڈاکو اپنی جیب سے اینٹ نکال رہا ہے، بعد میں اس نے اینٹ کو ڈسپلے کیس کے اوپر پھینکا لیکن شیشہ نہیں ٹوٹا۔

ویڈیو میں نظر آنے والا ڈاکو اس مشق کو 10 بار دُہراتا ہے لیکن شیشہ توڑنے میں بری طرح ناکام ہو جاتا ہے۔

اسٹور میں کام کرنے والی خاتون نے ڈاکو کو شیشہ توڑنے کی ناکام کوشش کرتے ہوئے دیکھ کر اُسے اسٹور سے بھاگنے پر مجبور کر دیا۔

امریکی ریاست جارجیا میں پولیس ایک ایسے شخص کی تلاش کر رہی ہے جس پر ایک بزرگ خاتون کا لباس پہن کر بینک لوٹنے کا شبہ ہے۔

ویڈیو میں خاتون ملازم کو لاٹھی پکڑے ڈاکو کا پیچھا کرتے ہوئے دیکھا جا سکتا ہے لیکن، ڈاکو گاڑی میں بیٹھ کر فرار ہونے میں کامیاب ہو جاتا ہے۔

دوسری جانب مقامی پولیس نے اس شخص کی شناخت کے لیے واقعے کی فوٹیج جاری کی ہے۔

بشکریہ جنگ