امریکا میں کورونا دور کی بارڈر پالیسی برقرار

امریکا میں کورونا دور کی بارڈر پالیسی برقرار ہے، سپریم کورٹ نے نقل مکانی کرنیوالوں کی فوری ملک بدری کی حمایت کردی۔

سپریم کورٹ  نے اس سلسلے میں سابق صدر ڈونلڈ ٹرمپ دور میں متعارف کرائی گئی تبدیلی کو مسترد کرنے سے انکار کردیا ہے۔

ٹائٹل فورٹی ٹو امریکی انتظامیہ کو اس بات کی اجازت دیتا ہے کہ ایسے ممالک جہاں سے آنیوالوں کے زریعے امریکا میں کورونا پھیلنے کا خدشہ ہو، ان مائیگرینٹس کو فوری طورپر ملک بدر کردیا جائے، ایسے مائیگرینٹس کو امریکا میں سیاسی پناہ لینے کا موقع بھی نہیں دیا جاتا۔

ٹرمپ دور میں متعارف کرایا گیا یہ اقدام عبوری تھا اور دسمبر میں ختم ہونا تھا تاہم اب امریکا کی سپریم کورٹ میں 19 ری پبلکن اٹارنی جرنلز نے مقدمہ دائر کیا تھا، عدالت نے انکی درخواست پر اطمینان کا اظہار کیا ہے۔

سپریم کورٹ اب اس معاملے پر فروری میں ریاستوں کے دلائل سنے گی جس میں طے کیا جائے گا کہ آیا مقامی انتظامیہ مائیگرینٹس سے متعلق موجودہ پالیسی میں مداخلت کر سکتی ہیں یا نہیں۔

بشکریہ جنگ