امریکا میں دنیا کی سب سے طویل العمر مرغی

امریکی ریاست مشی گن سے تعلق رکھنے والی ایک مرغی دنیا کی سب سے عمر رسیدہ مرغی ہے۔

اس مرغی کی عمر 21 برس 156 دن ہے، عموماً مرغیوں کی عمر 5 سے 8 سال ہوتی ہے۔

مرغی کا نام ‘پینَٹ’ ہے، 28 جنوری 2023 کو اسے دنیا کی سب سے طویل العمر مرغی کا ٹائٹل ملا تھا۔

یہ ٹائٹل گنیز ورلڈ ریکارڈ میں درج ہے، ٹائٹل جیتنے کے وقت پینَٹ کی عمر 20 سال 272 دن تھی۔

دلچسپ بات یہ ہے کہ جس فارم پر پینَٹ کی پیدائش ہوئی اس کا مالک سڑے ہوئے انڈے پھینک چکا تھا جس میں سے اسے بالکل نحیف سے آواز آئی۔

یہ آواز پینَٹ کی تھی جو پیدائش کے وقت بہت کمزور سا چوزہ تھا، آج وہی چوزہ اتنا بڑا ہوا کہ اب دنیا کی سب سے طویل العمر مرغی بن گیا۔

بشکریہ جنگ