امریکا، گھر میں 5 افراد کو گولیاں مار کر ہلاک کردیا گیا

امریکی ریاست شمالی کیرولینا کے ایک گھر میں 5 افراد کو گولیاں مار کر ہلاک کردیا گیا۔

امریکی حکام کے مطابق قتل کی اطلاع پر پولیس گھر میں پہنچی تو خاتون سمیت 5 افراد کی لاشیں ملیں۔

امریکی میڈیا کے مطابق فائرنگ کے بعد ملزم فرار ہوگیا ہے، حکام نے علاقے میں تمام بزنسز بند کرنے کی ہدایت کردی ہے۔

امریکی میڈیا کے مطابق ہلاک ہونے والے افراد کی عمریں 30 سے 80 سال کے درمیان تھیں، قتل میں ملوث کسی شخص کی شناخت نہیں ہوسکی۔

امریکی میڈیا کے مطابق  سیکیورٹی اہلکاروں نے واقعے کی تحقیقات شروع کردیں۔

بشکریہ جنگ