اماراتی ہلال احمر سندھ اور بلوچستان میں سیلاب زدہ علاقوں میں امدادی سرگرمیوں میں مصروف

سندھ اور بلوچستان میں حالیہ تباہ کن بارشوں سے متاثر ہونے والے پاکستانیوں کی مدد کے لیے اماراتی ہلال احمر اور قونصل خانے کا عملہ گزشتہ کئی ہفتوں سے سرگرم ہے۔ 

اماراتی ہلال احمر کی ایک ٹیم بلوچستان جبکہ دوسری سندھ میں سیلاب سے متاثرہ علاقوں میں امدادی سرگرمیاں جاری رکھے ہوئے ہے۔

ان علاقوں میں حالیہ بارشوں نے لوگوں کی زندگیوں کو نہ صرف اور مشکل بنادیا بلکہ امدادی سرگرمیاں بھی شدید متاثر ہوئی ہیں۔ 

اس حوالے سے حمد بخیت الرمیتی کی سربراہی میں اماراتی ہلال احمر کے وفد جانب سے بلوچستان کے ساتھ ساتھ سندھ کے کئی اضلاع میں اب تک لگ بھگ 15،000 خاندانوں میں راشن اور ٹینٹ تقسیم کیے چکے ہیں اور یہ سلسلہ جاری ہے۔ 

اماراتی ہلال احمر کے سربراہ حمد بخیت الرمیتی کا کہنا تھا کہ علاقے کے حالات کو دیکھتے ہوئے، ہماری کوشش ہے کہ مزید امدادی سامان کی فراہمی کا بندوبست کیا جائے، تاہم سڑکیں ٹوٹ جانے، راستوں کی بندش اور موسم کی خرابی کے باوجود ہماری ٹیمیں مختلف علاقوں میں کام کر رہی ہیں۔

انہوں نے مزید کہا کی اماراتی ہلال احمر، اس مشکل کی گھڑی میں پاکستانی عوام کے ساتھ کھڑا ہے۔

بشکریہ جنگ