الیکشن کمیشن کا کراچی ڈویژن میں بلدیاتی انتخابات کی تاریخوں کا اعلان

الیکشن کمیشن آف پاکستان (ای سی پی) نے کراچی ڈویژن میں ضمنی و بلدیاتی انتخابات کی تاریخوں کا اعلان کردیا۔

کراچی ڈویژن کے تمام اضلاع میں بلدیاتی انتخابات کے لیے پولنگ 23 اکتوبر کو ہوگی۔

الیکشن کمیشن نے اعلان کیا ہے کہ قومی اسمبلی اور صوبائی اسمبلیوں کی مختلف نشستوں پر ضمنی انتخابات کے لیے پولنگ 16 اکتوبر کو ہوگی۔

سندھ حکومت کا کہنا ہے کہ درخواست ہے کراچی اور حیدرآباد ڈویژن میں بلدیاتی انتخاب ملتوی کیےجائیں۔

قومی اسمبلی کی نشست این اے 22 مردان، این اے 24 چارسدہ، این اے 31  پشاور، این اے 45  کرم، این اے 108 فیصل آباد، این اے 118 ننکانہ صاحب، این اے 237 ملیر کراچی، این اے 239 کورنگی کراچی میں پولنگ 16 اکتوبر کو ہوگی۔

اسی طرح این اے 157 ملتان میں بھی ضمنی انتخابات کے لیے پولنگ 16 اکتوبر کو ہوگی۔

صوبائی اسمبلی کے حلقوں پی پی 139 شیخوپورہ، پی پی 209 خانیوال اور پی پی 241 بہاولنگر میں بھی پولنگ 16 اکتوبر کو ہوگی۔

بشکریہ جنگ