الیکشن چند دن مؤخر ہوجائیں تو کوئی حرج نہیں، مولانا فضل الرحمان

جمعیت علماء اسلام (جے یو آئی-ف) کے سربراہ مولانا فضل الرحمان نے کہا ہے کہ ہم نہیں سمجھتے الیکشن ہوسکیں گے۔ الیکشن چند دن مؤخر ہوجائیں تو کوئی حرج نہیں۔

ڈیرہ اسماعیل خان میں پریس کانفرنس کرتے ہوئے مولانا فضل الرحمان کا کہنا تھا کہ الیکشن کمیشن کو ہماری درخواست پر غور کرنا چاہیے۔

انکا کہنا تھا کہ حکومت جون میں بجٹ نہیں دے سکے گی۔

ترجمان مولانا فضل الرحمان کا کہنا ہے کہ مولانا فضل الرحمان کے قافلے پر انٹر چینج پر فائرنگ کی گئی۔

سربرہ جے یو آئی (ف) نے کہا کہ الیکشن میں جانا چاہتے ہیں لیکن ماحول بھی ہوناچاہیے۔ ان حالات میں ہم کیسے الیکشن مہم چلا سکتے ہیں۔

انہوں نے کہا کہ پی ٹی آئی ہی نہیں، اختر مینگل کے کاغذات بھی مسترد ہوئے۔ 

گزشتہ رات قافلے پر ہونے والی فائرنگ سے متعلق مولانا فضل الرحمان کا کہنا تھا کہ جو واقعہ کل رات ہوا، وہ بےامنی کا واقعہ ہے۔ 

انکا کہنا تھا کہ افغانستان اور پاکستان میں استحکام دونوں کی ضرورت ہے، افغانستان اور پاکستان میں بداعتمادی ہم توڑیں گے۔ عالمی برادری کا اعتماد بحال کرنا ہوگا۔

جمعیت علمائے اسلام کے سربراہ نے کہا کہ ہم اپنے اعمال پر توجہ نہیں کرتے، جیسے اعمال ہوں گے ویسے حکمران ہوں گے۔

مولانا فضل الرحمان نے کہا کہ چار سالوں میں معیشت زمین بوس ہوچکی ہے، ملک پھر سے دیوالیہ ہونے کی طرف جارہا ہے۔

الیکشن میں سیٹ ایڈجسٹمنٹ سے متعلق سربراہ جے یو آئی (ف) نے کہا کہ اس وقت ہمیں سیٹ ایڈجسمنٹ کی ضرورت نہیں، سیٹ ایڈجسٹمنٹ ضرورت کی بنیاد پر ہوگی۔

بشکریہ جنگ