اللّٰہ دعا اور احمد کو والد کیلئے بہترین صدقۂ جاریہ بنائے، بشریٰ اقبال
عامر لیاقت کی پہلی اور سابقہ اہلیہ، میزبان و اسلامک اسکالر سیدہ بشریٰ اقبال نے ایک بار پھر بچوں کے ساتھ عامر لیاقت کی تصویریں شیئر کر دی ہیں۔
سیدہ بشریٰ اقبال نے اپنے سوشل میڈیا اکاؤنٹ انسٹاگرام پر اپنے بچوں کی عامر لیاقت کے ہمراہ تصویریں شیئر کی ہیں۔
کیپشن میں بشریٰ اقبال کا کہنا ہے کہ الحمدللّٰہ یا رب، سندھ ہائی کورٹ نے مرحوم عامر لیاقت کی قبر کشائی کی اپیل خارج کر دی ہے، برا چاہنے والوں کو بتا دو کہ حق کے ساتھ اللّٰہ ہوتا ہے۔
انہوں نے مزید لکھا ہے کہ اللّٰہ پاک عامر کی مغفرت فرمائے اور احمد اور دعا کو اُن کے لیے بہترین صدقۂ جاریہ بنائے، آمین۔
واضح رہے کہ رواں سال 9 جون کو ایم این اے عامر لیاقت حسین کراچی میں انتقال کر گئے تھے۔
عامر لیاقت حسین کو تشویشناک حالت میں اسپتال منتقل کیا گیا تھا جہاں ڈاکٹرز نے معائنے کے بعد اُن کے انتقال کی تصدیق کی تھی۔
Comments are closed.