اقرا اور یاسر نے بیٹے کی پہلی سالگرہ کیسے منائی؟

شوبز انڈسٹری کی پاور جوڑی اقرا عزیز اور یاسر حسین کا بیٹا کبیر حسین ایک سال کا ہو گیا۔

گزشتہ روز اقرا اور یاسر نے اپنے بیٹے کبیر حسین کی پہلی سالگرہ منائی جس کی تصاویر اور ویڈیوز سوشل میڈیا پر زیرِ گردش ہیں۔

اقرا نے اپنے بیٹے کی پہلی سالگرہ پر گلابی رنگ کا لباس زیبِ تن کیا جبکہ اُن کے بیٹے کو نیلی شرٹ میں دیکھا گیا۔

اس موقع پر یاسر حسین نے اپنے انسٹا گرام اکاؤنٹ پر اپنی ایک فیملی ویڈیو بھی شیئر کی جس میں اُنہوں نے بیٹے کو گود میں اُٹھایا ہوا ہے اور ساتھ میں موجود اقرا بہت خوش نظر آ رہی ہیں۔

اقرا اور یاسر کے بیٹے کو شوبز شخصیات اور سوشل میڈیا صارفین کی جانب سے محبت بھرے پیغامات بھیجے گئے ہیں۔

اس سے قبل اقرا عزیز اور یاسر حسین نے اپنے مداحوں کو بیٹے کی سالگرہ کے حوالے سے آگاہ کیا تھا اور کہا تھا کہ ان کا بیٹا کبیر حسین ایک سال کا ہو رہا ہے اور وہ اس بڑے دن کا انتظار نہیں کر سکتے۔

واضح رہے کہ اقرا عزیز اور یاسر حسین کے ہاں گزشتہ برس ہی بیٹے کی پیدائش ہوئی تھی۔

بیٹے کی پیدائش کی اطلاع یاسر حسین نے اپنے انسٹا گرام پیغام کے ذریعے دی تھی۔

خیال رہے کہ اقرا عزیز اور یاسر حسین 2019ء میں ایک پُروقار تقریب میں رشتۂ ازدواج میں منسلک ہوئے تھے۔

بشکریہ جنگ