افغانستان: کابل میں دھماکیں، 6 افراد جاں بحق

افغانستان کے دارالحکومت کابل میں دو مختلف مقامات پر دھماکے ہوئے ہیں، جن میں 6 افراد جاں بحق جبکہ متعدد زخمی ہوئے ہیں۔

افغان میڈیا کے مطابق پہلا دھماکا قلعہ نو میں ایک تعلیمی مرکز ممتاز ٹریننگ سینٹر کے سامنے ہوا۔

دوسرا دھماکا عبدالرحیم شہید ہائی اسکول کے سامنے ہوا، جب طلبا باہر نکل رہے تھے۔

افغان میڈیا کا کہنا ہے کہ ممتاز ٹریننگ سینٹر پر دستی بم سے دھماکا کیا گیا۔

تاہم افغان وزارت داخلہ نے عبدالرحیم شہید ہائی اسکول کے قریب دھماکے کی تصدیق کی ہے۔

بشکریہ جنگ