افغانستان میں سیاسی جماعتوں پر پابندی کا اعلان

افغان وزارت انصاف نے ملک میں سیاسی جماعتوں پر پابندی کا اعلان کردیا۔

افغان میڈیا کے مطابق افغان وزیر انصاف نے اپنے اعلان میں کہا ہے کہ ملک میں سیاسی جماعتوں کی سرگرمیوں کو قبول نہیں کیاجاسکتا۔

وزیر انصاف مولوی عبدالحکیم شرعی نے کہا کہ اس وقت تمام قوانین اسلامی شریعت کی روشنی میں مرتب کیے ہیں۔

انہوں نے کہا کہ سیاسی جماعتوں کی شریعت میں کوئی گنجائش، حیثیت نہیں ہے، سیاسی جماعتیں ملک کےمفاد میں نہیں ہیں۔

وزیر انصاف نے کہا کہ ملک کی موجودہ تباہی سیاسی جماعتوں کی وجہ سے ہے۔

بشکریہ جنگ