افغانستان سے منشیات اور دہشتگردی کی روک تھام کی کوششوں پر روس چین اتفاق

روسی صدر ولادیمیر پیوٹن اور ان کے چینی ہم منصب شی جن پنگ نے اتفاق کیا ہے کہ دونوں ملک طالبان کے قبضے کے بعد افغانستان سے ابھرنے والے "خطرات” سے نمٹنے کے لیے کوششیں تیز کریں گے۔

کریملن سے جاری بیان میں کہا گیا ہے کہ ایک فون کال پر دونوں رہنماؤں نے افغانستان کی سرزمین سے آنے والے دہشت گردی اور منشیات کی اسمگلنگ کے خطرات سے نمٹنے کے لیے کوششیں تیز کرنے کے لیے اپنی تیاری کا اظہار کیا۔

دونوں رہنماؤں نے افغانستان میں امن قائم کرنے کی اہمیت اور ملحقہ علاقوں میں عدم استحکام کو پھیلنے سے روکنےکے بارے میں بھی بات چیت کی۔ صدر  پیوٹن اور شی جن پنگ نے دو طرفہ تعلقات کو تیز کرنے پر بھی اتفاق کیا۔

بشکریہ جنگ