افغانستان سے آئے ہوئے لوگ زمان پارک میں بھی بیٹھے ہوئے ہیں، خواجہ آصف

وزیر دفاع خواجہ آصف کا کہنا ہے کہ افغانستان سے جن لوگوں کو واپس لایاگیا اس سے پاکستان میں دہشتگردی بڑھی، ان میں سے کچھ لوگ زمان پارک میں بھی بیٹھے ہوئے ہیں۔

قومی اسمبلی اجلاس میں اظہار خیال کرتے ہوئے خواجہ آصف نے کہا کہ دہشتگردی کیخلاف جنگ میں سیکڑوں لوگ شہید ہوئے کون حساب دے گا؟

علی وزیر نے مزید کہا کہ گند پھیلانے والوں کے خلاف کارروائی تک کسی آپریشن کی اجازت نہیں دیں گے، گند پھیلانے والوں کے خلاف کارروائی نہ کی تو ہم آپریشن کی مزاحمت کریں گے۔

 خواجہ آصف نے کہا کہ ڈرامے، شغل لگا کر ایک شخص کہہ رہا ہے مجھے جان کا خطرہ ہے، جان کا اتنا خوف ہے تو اتنے پنگے مت لو، آرام سے گھر بیٹھو۔

وزیر دفاع نے کہا کہ دہشتگردوں کو باہر سے لاکر ملک میں بسایا گیا، انہیں لانے اور بسانے والوں کا بھی احتساب ہونا چاہیے، ان لوگوں کو سیاسی پشت پناہی حاصل ہے۔

خواجہ آصف نے کہا کہ نائن الیون کے بعد جنگ مشرف نے شروع کی، ابھی بھی لوگ افغانستان سے آرہے ہیں۔

بشکریہ جنگ