اعظم خان نے ملتان سلطانز کے فاسٹ بولر احسان اللّٰہ کی تعریف کردی

پاکستان سپر لیگ (پی ایس ایل) فرنچائز اسلام آباد یونائیٹڈ کے بیٹر اعظم خان نے کہا ہے کہ نئے سے نئے شاٹس تلاش کرکے اُس میں ماسٹر ہونے کی کوشش کرتا ہوں۔

میڈیا سے گفتگو میں اعظم خان نے ملتان سلطانز کے فاسٹ بولر احسان اللّٰہ کی تعریف کی اور کہا کہ وہ اچھی بولنگ کر رہا ہے، اچھا مقابلہ ہوگا۔

انہوں نے کہا کہ مجھے ملتان اسٹیڈیم میں کھیلنے کا تجربہ ہے، میں اپنے تجربے سے سب کو آگاہ کر رہا ہوں۔

اعظم خان نے یہ بھی کہا کہ ملتان کا کراؤڈ اچھا ہے، مزہ آئے گا، اسمارٹ کرکٹ کھیلیں گے، چاہے کوئی بھی بولر ہو ۔

ان کا کہنا تھا کہ اسلام آباد یونائیٹڈ کی ٹیم ایک مائنڈ سیٹ کے ساتھ کھیلتی ہے، دن کے وقت میچ ہے، کنڈیشنز کو سمجھنے کی کوشش کی ہے۔

اسلام آباد یونائیٹڈ کے بیٹر نے کہا کہ میں اپنی کرکٹ انجوائے کر رہا ہوں، رضوان اور حارث ٹاپ آرڈر میں ہوتے ہیں جبکہ میں مڈل آرڈر میں آتا ہوں۔ گراؤنڈ میں اترتا ہوں تو رشتہ نہیں دیکھتا۔

اعظم خان کا کہنا تھا کہ میری کوئٹہ کے خلاف کارکردگی پہلے بھی اچھی رہی ہے، پاکستان ٹیم کی طرف سے کم بیک کرنے کا نہیں سوچ رہا، حال پر سوچتا ہوں، جب موقع ملا تو دیکھوں گا۔

بشکریہ جنگ