اعتزاز احسن کا قیادت کو نواز شریف سے احتیاط کا مشورہ

پاکستان پیپلز پارٹی (پی پی پی) کے سینئر رہنما بیرسٹر اعتزاز احسن نے پارٹی قیادت کو نواز شریف سے احتیاط کا مشورہ دے دیا۔

لاہور میں ندیم افضل چن کی رہائش گاہ پر ظہرانے میں شرکت کے موقع پر میڈیا سے گفتگو کرتے ہوئے اعتزاز احسن نے کہا کہ میری رائے ہے کہ نواز شریف سے احتیاط کرنی چاہیے۔

صحافی نے ان سے سوال کیا کہ کیا آپ کو عمران خان جاتے نظر آ رہے ہیں؟

پاکستان پیپلز پارٹی (پی پی پی) سے پاکستان تحریکِ انصاف (پی ٹی آئی) میں جانے والے ندیم افضل چن آج دوبارہ پیپلز پارٹی میں شامل ہو گئے۔

صحافی کے سوال کے جواب میں اعتزاز احسن نے کہا کہ وزیرِ اعظم عمران خان نہیں ہوں گے تو کوئی دوسرا ہو گا۔

انہوں نے یہ بھی کہا کہ لوگوں کا جذبہ دیکھیں گے تو آپ کو خود اندازہ ہو جائے گا کہ اگلی حکومت عوام کی ہو گی۔

بشکریہ جنگ