اس سے بہتر کم بیک نہیں ہوسکتا، سلمان آغا نے سرفراز کی تعریف کردی
پاکستان کرکٹ ٹیم کے مڈل آرڈر بیٹر سلمان علی آغا نے سرفراز احمد کی تعریف کرتے ہوئے کہا ہے کہ اس سے بہتر کم بیک نہیں ہوسکتا۔
پاکستان اور نیوزی لینڈ کے درمیان ہونے والا ٹیسٹ سیریز کا دوسرا میچ بھی ڈرا ہوگیا، میچ کی آخری اننگز میں سرفراز احمد نے شاندار سنچری بنائی۔
سرفراز احمد نے نیوزی لینڈ کے خلاف 118 رنز کی شاندار اننگ کھیلی، انہوں نے 2 ٹیسٹ میچز کی سیریز میں 335 رنز بنائے، اس طرح سرفراز احمد 3 یا اُس سے کم ٹیسٹ میچز کی سیریز میں سب سے زیادہ رنز بنانے والے پاکستانی وکٹ کیپر بیٹر بن گئے ہیں۔
شاندار بیٹنگ پر سرفراز احمد کو پلیئر آف دی میچ قرار دیا گیا، زبردست پرفارمنس پر سرفراز احمد کی تعریفوں کا تانتا بندھ گیا۔
قومی ٹیم کے مڈل آرڈر بیٹر سلمان علی آغا نے بھی نیوزی لینڈ کے خلاف شاندار کارکردگی کا مظاہرہ کرنے پر سابق کپتان سرفراز احمد کی تعریف کردی۔
اپنے ٹوئٹر پیغام میں سرفراز احمد کو ٹیگ کرتے ہوئے سلمان علی آغا نے کہا کہ اس سے بہتر کم بیک نہیں ہو سکتا۔
سلمان علی آغا نے کہا کہ مجھے خوشی ہے کہ میں دوسرے اینڈ پر موجود تھا اور ان کی زبردست بیٹنگ دیکھی۔
Comments are closed.