اسکاٹ لینڈ نے بھارت کو میچ سے قبل چیلنج کردیا

اسکاٹ لینڈ نے بھارت کو میچ سے قبل چیلنج کردیا، اسکاٹ لینڈ کرکٹ ٹیم نے اپنے آفیشل ٹوئٹر اکاؤنٹ پر بھارتی کرکٹ ٹیم کے لیے ایک پیغام چھوڑا ہے۔

اپنے پیغام میں اسکاٹ لینڈ کرکٹ نے بھارتی ٹیم کو مخاطب کرتے  ہوئے کہا ہے کہ اگر آپ ٹی ٹوئنٹی ورلڈکپ کی ٹرافی لینا چاہتے ہیں تو اس کے لیے ہم سے گزر کر جانا پڑے گا۔

اسکاٹ لینڈ کی جانب سے ٹوئٹ کیے جانے پر سوشل میڈیا پر کرکٹ کے مداحوں کی جانب سے دلچسپ تبصروں کا سلسلہ شروع ہوگیا۔

واضح رہے کہ آج (جمعہ) بھارتی ٹیم اپنا چوتھا میچ اسکاٹ لینڈ کے خلاف کھیل رہی ہے۔

واضح رہے کہ اسکاٹ لینڈ کی ٹیم سپر 12 میں اب تک کامیابی کی منتظر ہے۔

بھارت کو اپنے پہلے میچ میں پاکستان کے ہاتھوں ہزیمت اٹھانا پڑی تھی، جبکہ دوسرے میچ میں اسے نیوزی لینڈ نے شکست سے دوچار کیا تھا تاہم اپنے تیسرے میچ میں اس نے افغانستان کو شکست دی تھی۔

یاد رہے کہ بھارت اور افغانستان کے اس میچ کو سوشل میڈیا صارفین نے شدید تنقید کا نشانہ بنایا تھا اور اسے ’فسکڈ‘ قرار دیا تھا۔ اس میچ میں کامیابی کے بعد بھارت کے دو پوائنٹس ہیں۔

بشکریہ جنگ