اسپیکر قومی اسمبلی نے مستعفی PTI ارکان کی تفصیلات سامنے رکھ دیں

قومی اسمبلی کے اسپیکر راجہ پرویز اشرف نے پی ٹی آئی کے مستعفی ارکان کی تفصیلات سامنے رکھ دیں۔

اسپیکر قومی اسمبلی راجہ پرویز اشرف کا کہنا ہے کہ استعفے آئینِ پاکستان کے آرٹیکل 64 کی شق (1) کے تحت تفویض کیے گئے اختیارات کو بروئے کار لاتے ہوئے منظور کیے گئے۔

انہوں نے بتایا کہ این اے 22 سے علی محمد خان، این اے 24 سے فضل محمد خان، این اے 31 سے شوکت علی کے استعفے منظور کر لیے ہیں۔

قومی اسمبلی سیکرٹریٹ کے مطابق تحریک انصاف کے ارکان قومی اسمبلی علی محمد خان، فضل محمد خان کا استعفیٰ منظور کرلیا گیا ہے۔

راجہ پرویز اشرف نے بتایا کہ این اے 45 سے فخر زمان خان، این اے 108 سے فرخ حبیب، این اے 118 سے اعجاز احمد شاہ کے استعفے منظور ہوئے ہیں۔

ان کا مزید کہنا ہے کہ این اے 237 سے جمیل احمد خان، این اے 239 سے محمد اکرم چیمہ، این اے 246 سے عبدالشکور شاد کے استعفے منظور کیے گئے۔

اسپیکر قومی اسمبلی راجہ پرویز اشرف نے یہ بھی بتایا ہے کہ خواتین کے لیے مختص نشستوں سے ڈاکٹر مہر انساء شیریں مزاری اور شندانہ گلزار خان کے استعفے قبول کیے گئے ہیں۔

بشکریہ جنگ