اسپیشل اولمپکس ورلڈ گیمز: پاکستان نے مزید 2 گولڈ میڈلز جیت لیے

اسپیشل اولمپکس ورلڈ گیمز میں پاکستان نے مزید دو گولڈ میڈلز جیت لیے۔ 

پاکستان کے محمد لقمان نے اسپیشل ورلڈ گیمز کی 100 میٹر ریس میں گولڈ میڈل جیت لیا۔ انہوں نے یہ فاصلہ 15.21 سیکنڈز میں مکمل کیا۔ محمد لقمان نے لانگ جمپ میں بھی دوسری پوزیشن حاصل کرتے ہوئے سلور میڈل اپنے نام کیا۔

پاور لفٹنگ میں پاکستان کے حبیب اللّٰہ نے 83 کلوگرام ویٹ کیٹیگری میں ڈیڈ لفٹ میں گولڈ میڈل حاصل کیا، جبکہ اسکواٹ، بینچ پریس اور کمبائنڈ ویٹ میں بھی سلور میڈلز اپنے نام کیے۔

پاکستان کے میر واعظ نے 3 ہزار میٹر ریس میں سلور میڈل جیتا لیا۔ میر واعظ نے فاصلہ 10 منٹ اور 11 سیکنڈز میں مکمل کیا۔

اسپیشل اولمپکس ورلڈ گیمز میں پاکستان اب تک مجموعی طور پر 9 گولڈ میڈلز جیت چکا ہے۔

فیلڈ ہاکی کے مکس ایونٹ میں پاکستان نے برونز میڈل جیتا۔ تیسری پوزیشن کے میچ میں پاکستان نے پیراگوئے کو 2 کے مقابلے میں 3 گول سے شکست دی۔

سوئمنگ کی 50 میٹر فری اسٹائل میں پاکستان کے حسن پٹیل نے برونز میڈل جیت لیا۔

ٹینس ایونٹ کے ویمنز سنگل ایونٹ میں پاکستان کی سعدیہ جنید نے سلور میڈل جیت لیا۔

بشکریہ جنگ