اسٹیکر چوری معاملہ، وزارت خارجہ کا وزارت داخلہ اور FIA کو خط

اسلام آباد میں اٹلی کے سفارتخانے سے ویزہ اسٹیکر چوری کے معاملے پر وزارت خارجہ نے وزارت داخلہ اور ایف آئی اے کو تحقیقات کیلئے خط بھیج دیا۔

وزارت خارجہ نے خط میں لکھا کہ اٹلی کے سفارتخانے سے ایک ہزار شینگن ویزہ اسٹیکر چوری ہوگئے، شینگن ویزہ اسٹیکر سفارتخانے کے لاکر روم سے چوری ہوئے۔

خط میں بتایا گیا کہ اٹلی سفارتخانے کے حکام بھی معاملے کی تحقیقات کررہے ہیں۔

وزارت خارجہ نے خط میں کہا کہ وزارت داخلہ اور ایف آئی اے داخلی اور خارجی راستوں پر چوری شدہ ویز ہ اسٹیکر پر نظر رکھیں۔

بشکریہ جنگ