اسٹیو اسمتھ کی وکٹ بہت اہم ہے، جس سے اعتماد ملا، نسیم شاہ

قومی ٹیسٹ ٹیم کے فاسٹ بولر نسیم شاہ نے کہا ہے کہ ٹیسٹ میچ میں اسٹیو اسمتھ کی وکٹ میرے لیے بہت اہمیت رکھتی ہے، جس سے مجھے اعتماد ملا۔

لاہور میں آن لائن پریس کانفرنس کے دوران نسیم شاہ نے کہا کہ کوشش کریں گے کل آسٹریلیا کو 300 کے اندر آؤٹ کریں۔

پاکستان اور آسٹریلیا کے درمیان لاہور میں کھیلے جارہے سیریز کے تیسرے اور آخری ٹیسٹ میچ میں مہمان ٹیم کی بیٹنگ شاہین شاہ کے ابتدائی اوورز میں شدید دباؤ کا شکار رہی اور ایک ہی اوور میں 2 وکٹ کھودیئے۔

انہوں نے کہا کہ میری کوشش ہوتی ہےکہ جب موقع ملےجان ماروں، اس پچ پر بھی میں نےجان ماری اور مجھے ریورس سوئنگ بھی ملی۔

فاسٹ بولر نے مزید کہا کہ سلو پچ ہو تو غصہ نہیں آتا، پچز ہمارے ہاتھ میں نہیں ہوتیں، ہمارے ہاتھ میں محنت ہوتی ہے وہ ہم کرتے ہیں۔

اُن کا کہنا تھا کہ پچ اتنی تیز نہیں تھی سلو ہے، اس لئے کوشش کی کہ تیز گیند کروں۔

بشکریہ جنگ