اسلام آباد پولیس افسران کا کسی بھی غیر قانونی عمل کا حصہ نہ بننے کا فیصلہ

اسلام آباد پولیس کے افسران نے کسی بھی غیر قانونی عمل کا حصہ نہ بننے کا فیصلہ کیا ہے۔

ترجمان اسلام آباد پولیس کے مطابق چند سیاسی رہنماؤں کی جانب سے اسلام آباد پولیس کے خلاف افواہیں پھیلائی جا رہی ہیں۔

ترجمان کے مطابق اسلام آباد پولیس اور دیگر سول مسلح ادارے وفاقی دارالحکومت میں امن کے ضامن ہیں، ایسی پروپیگنڈہ مہم سے پولیس کے افسران اور جوانوں کا عزم مزید پختہ اور مورال مضبوط ہوگا۔

ترجمان اسلام آباد پولیس کے مطابق پولیس کے ہر افسر اور جوان کو اپنے فرض کا بخوبی اندازہ ہے، وہ قانون کے مطابق کام کر رہا ہے۔

ترجمان نے مزید کہا کہ ہر افسر اور جوان شہر کو امن کا گہوارہ بنانے اور شہریوں کی جان اور مال کے تحفظ کے لیے تیار ہے۔

بشکریہ جنگ