اسرائیل فلسطین کشیدگی، انسانی المیے میں مدد کیلئے اتحادیوں کیساتھ کام جاری ہے، صدر بائیڈن

امریکی صدر جو بائیڈن کا کہنا ہے کہ اسرائیل فلسطین کشیدگی سے پیدا ہونے والے انسانی المیے میں مدد کیلئے خطے کے اتحادیوں کے ساتھ مل کر کام کر رہے ہیں۔

انہوں نے کہا کہ امریکا جنگی قوانین کے احترام کیلئے بھی کام کر رہا ہے۔

اسرائیل اور فلسطین کے درمیان جنگ کے باعث بھارتی دارالحکومت نئی دلی میں سیکیورٹی الرٹ کردی گئی۔

سوشل میڈیا پر بیان میں صدر بائیڈن کا کہنا تھا کہ حماس حملوں سے پیدا ہونے والے انسانی المیے میں مدد کیلئے اسرائیل، مصر، اردن اور اقوام متحدہ کے ساتھ کام کر رہے ہیں۔

انہوں نے کہا کہ امداد کی بحالی کیلئے درکار حالات سازگار بنانے کی کوشش کر رہے ہیں۔

صدر بائیڈن نے مزید کہا کہ جنگی قوانین کو برقرار رکھنے کی وکالت کیلئے بھی کام کر رہے ہیں۔

بشکریہ جنگ